Innvik Fjordhotell
– med fjorden i hagen
Hotellet ligg som ei unik perle heilt i sjøkanten den vakre Nordfjorden.
Fjordrestauranten er open for både hotellgjestane og publikum, og serverer god heimelaga mat med nydeleg utsikt ut over fjord og fjell. Med fredeleg atmosfære, eiga badestrand, sandvolleyballbane og kort veg til fantastiske turistattraksjonar er hotellet eit ypperleg valg for både korte og lengre opphald.
Eit hotell i vakre Vestlands-Norge
Hotelet er ope for vanleg drift frå 01.mars.-15.desember.
Innvik fjordhotell er eit hotell for både kvardag og fest. I sesongen serverer fjordrestauranten dagleg god heimelaga mat med ei nydeleg utsikt over sjøen og fjella. Her kan ein komme både til frukost og middag. Ein kan både droppe inn eller bestille på førehand. Grupper oppmuntrast til å bestille bord. Ta gjerne familien med på søndagsmiddag hos oss.
Fleksible salar som kan tilpassast i storleik og format i arrangement, mindre møterom og stover, gjer at hotellet vert mykje brukt til alle typar selskap – frå samlingar, møter og firmajubileum, til konformasjon, dåp og bryllaup. Hotellet tilbyr catering.
Hotellet ligg i sjøkanten med den vakre Nordfjorden i hagen – i hjartet av Vestlands-Norge. Nordfjorden er med sine 10,6 mil, Norges sjette lengste fjord og strøymer heilt ut til Vestkapp og det ville Stadthavet. Rundt hotellet finn ein mange spennande turistattraksjonar. Og mange nyttar hotellet som ei koseleg base for ulike dagsturar rundt om i regionen.
Kurs og konferanse
Leir og weekend
Selskap og dagsarrangement
Kommande arrangement
27.-31. mars 20224
Påskemøte
Kurt Hjemdal har m.a. vore rektor på Bibelskulen i Grimstad, styreleiar i Normisjon, styreleiar i Israelsmisjonen og hatt mange fleire verv og arbeidsstader. Torhild Haaland og Odd Jensen har ansvar for song og musikk på møta. Torhild og Odd har vore med ein del på Kanal 10 og Visjon Norge, og reiser rundt og syng, særleg på Hedmarken, der dei bur. Marta Fimreite blir vertinne og leiar møte og måltid. Marta har vore lærar i sitt yrkesaktive liv. Ho har vore mykje engasjert i Santalmisjonen og Normisjon.
Program onsdag 27/3:
kl 18.30 Middag
kl 20.00 Kveldssamvær
Program 2.-4. dag:
kl 08.30 Frukost
kl 10.30 Bønnestund
kl 11.00 Samling om Guds ord
kl 13.00 Lunsj
kl 15.30 Enkel kaffiservering
kl 16.00 Samling med lettare program
kl 18.00 Middag
kl 19.30 Kveldssamvær
Skjærtorsdag kl. 11.00: Gudsteneste
i Innvik kyrkje (i staden for samling på hotellet).
Det kan kome endringar i programmet.
Døgnpris: 890,- pr person i dobbeltrom. Tillegg kr. 180,- for enkeltrom. Påmeldingsavgift: kr 300,- pr. person. Alle prisar er med full pensjon.
Påmelding til Innvik Fjordhotell Misjonsheimen AS, 6793 INNVIK, Telf: 57 87 49 90, e-post: post@innvikfjordhotell.no
1. april 2024
50-ÅRSJUBILEUM
Kl. 11.00: Gudstenestleg møte Tale: Kurt Hjemdal. Song og musikk: Kari Laila og Ove Aksnes
Kl. 13.00: Festmiddag Rømmegraut m/tilbehør. Påmelding. Pris kr 300,- pr pers.
Kl. 15.00: Jubileumsfest Tale: Kurt Hjemdal, Song: “Kor i Vikja”. Musikk: Anders Viktor Kvile og Linda Gytri. Prolog. Attersyn. Helsingar. Jubileumsgåve. Kake- og dessertbord.
24.-26. mai 2024
Songhelg
Fredag kveld: kl. 18.30: Middag
Kl. 20.00: Konsert. Marta og Edgar Paulsen
Laurdag: kl. 11.00: Solveig Orheim Nome: Foredrag om/songar av Matias Orheim
kl. 13.00: Lunsj
kl. 16.00: Ettermiddagskonsert “Mju Vocal»
kl. 18.30: Middag
kl. 20.00: Kveldskonsert. Gloppen Vocal Band og Drops
Søndag: kl. 11.00: Føremiddagsmøte. Tale: Marta Paulsen Fellessong + alle aktørane har innslag.
Kl. 13.00: Lunsj
Pris opphald heile helga: Kr. 2.050,- pr. pers. i dobbeltrom, Kr. 300,- i tillegg for enkeltrom, Kr. 300,- i innmeldingspengar. Dei som ikkje bur på hotellet, men ynskjer måltid, bør bestille det.
Atterhald om endringar i programmet.
Påmelding/detaljert informasjon: Innvik Fjordhotell Misjonsheimen, 6793 Innvik, Tlf.: 57 87 49 90, E-post: post@innvikfjordhotell.no
Overnatting
Hotellet har 26 dobbeltrom, 7 enkeltrom og 1 familierom.
- Balkong
- Dusj og toalett på alle rom
- Telefon på alle rom
- Trådlaust internett (WIFI) på alle rom
- TV på dei fleste rom
Prisar 2024
- Enkeltrom frå kr 825,-
- Dobbeltrom frå kr 1.130,-
- Dobbeltrom med fjordutsikt 1.230,-
- Familierom frå kr 1.425,-
- Trippel rom frå kr 1.400,-
- Barn 0-4 år: Gratis i samme seng som foreldra
- Barn 5-13 år: kr. 150,- (pr person)
- Barn 14-17 år: kr. 250,- (pr person)
- Alle romprisar er inkludert frukost.
- Grupper: ta kontakt for prisar.
Restaurant
Restauranten vår ligg på fjordsida med praktfull utsikt, 5 meter fra fjorden. Rett utanfor ligg ein uteterasse der du kan sitje og nyte ein kopp kaffi eller eit måltid mat.
Hotellet er kjent for sitt gode kjøkken. Vi legg stor vekt på god, heimelaga mat.
Koldtbordet vårt med mange ulike salater, sjømat, spekemat, varmmat, dessert og kaffi, blir også brukt i lokale samanhengar.
Vi tilbyr og kva det måtte vere til større og mindre selskap. Ta kontakt, så skreddersyr vi menyen til selskapet ditt!
Velkomen til middag!
Uteområde
Innvik Fjordhotell har eit fint uteområde, med badestrand, sandvolleyballbane, og asfaltert vandresti.
Har du spørsmål?
Vi har rask responstid og er alltid tilgjengelig for å svare på dine spørsmål.
Send oss en henvendelse via skjemaet, eller ring oss på telefon
+47 57 87 49 90
Her finn du oss
Gamlevegen 21, 6793 Innvik.
Innvik fjordhotell ligg 17 km frå Olden og 23 km frå Loen langs R60.
Ekspressbussen Bergen-Trondheim stansar ved hotellet. Bussen korresponderer med Nordfjord-ekspressen Stryn-Oslo
